Thresor de la langue françoise/Truite
(2, p. 646).
Truite, f. penac. dissyll. Est vne espece de poisson saxatile, aymant & hantant l'eauë froide & claire, telle qu'on void és cauernes des rochers aquatiques, ou plustost fleuuiaux, qui est la cause qu'elle a l'interieur rougeastre, & la peau & escaille grisastre & tauelée. Elle est de moyenne longueur & largeur de corps communéement, & quand elle l'excede, est appelée truite Saulmonnée, Trutta Salmonata. Selon Rondelet, non tant pour la couleur du dedans rougeastre, que pour la grandeur irreguliere du corps, Aucuns rendent ce mot en Latin par Turtur, autres par Mustela. Autres par Salar. Dont Ausone parle In Mosella, Purpureísque salar stellatus tergora guttis. Mais le commun est Trutta.