Thresor de la langue françoise/Tres
Tres, Est vne partie indeclinable, laquelle ores est preposée au positif, forme le degré superlatif, n'ayants les François les terminaisons comparatiues & superlatiues ainsi que les Grecs, Latins, Italiens & Espagnols : ains preposent au positif ceste diction indeclinable, plus pour le comparatif, plus docte, Doctior, & Tres pour le superlatif, tresdocte, Doctissimus. Ainsi que les Hebrieux jother & meod & l'Espagnol mas, & muy : car doctißime, Illustrißime, Reuerendißime & semblables ne sont point François, ains indiscretement imitez ou des Latins ou des Italiens. Lesquels forment ordinairement leur comparatif par ceste particule, piu, & souuent leur superlatif par ceste cy molte. Aucuns veulent dire que les François vsent de ceste diction Tres, à la façon que les Grecs vsent de cestuy leur aduerbe τρίζ, disans τρισόλβιοζ, Terbeatus, beatissimus, Tresheureux,& τρισενδαίμον, Terfortunatus, fortunatissimus, Tresfortuné : mais c'est abus : car ce mot τρισμιλισοζ (auquel ceste particule τρίζ est adioustée au mesme superlatif μιλισοζ) monstre que les Grecs vsent en ce de τρίζ, & les Latins de ter, par autre raison, ce que bien se peut entendre par ce carme de Virgile : Otérque quatérque beati, Et de ces mots de Plaute : Trifur, Trifurcifer, Triueneficus. Car qui voudroit dire que les Latins osassent dire Terangustus locus, pour ce que les François dient lieu tresestroit ? Ores il sied en composition, & là seulement signifie oultre, Trans, comme, Vn homme trespassé, Qui trans vitæ limitem ijt. Trespercé, qu'on dit aussi Transpercé, Transuerberatus, Transfossus. Tres außi signifie Penitus, planè, omnino, Comme Trestous y sont allez, Omnes penitus eò profecti sunt, c'est Omnes ad vnum, Tous sans en demeurer vn seul. Mais en ce verbe Tressaillir : cōme ie tressaux de ioye, Ingenti lætitia efferor. Tres signifie valdè, tenant du superlatif, en la signification de ce verbe Saillir, ce qui se peut cognoistre mettant en deux noms, ou verbes, ou aduerbes, ayans en teste ceste diction Tres, par composition.
Tresacertes, aduerb. penac. Signifie bien à bon escient, Valdè ex animo, Comme, elle mit tresacertes son amour en luy, Animum ad illius amorem grauiter applicuit, & est composé de tres & Acertes, qui signifie, à bon escient, sans se feindre.