Thresor de la langue françoise/Trenchee
Trenchée, f. penac. Signifie ores vne douleur de ventre, soit à l'homme, comme quand la cholique, ou vne medecine luy angoisse le ventre, soit à vne femme estant sur l'enfanter, Tormina, Verminatio, Ores se prent pour vn retranchement qu'on fait contre l'ennemy, soit en plaine campagne, soit dedans les forts & villes, cauant vn fossé & esleuant la vuidange du costé de celuy, qui l'a fait, Fossæ militares, Ainsi dit on, Les ennemis sont venus iusques sur la trenchée, Vsque ad fossam castrorum excurrerunt.
Vn corps de garde assis hors la trenchée du camp, Statio militum pro castrorum fossa locata, ex Liu. lib. 22. Car de palissade, Vallum, on n'en vse, ce que les Romains faisoyent. On vse aussi de ce mot pour barge, qui est vn fossé ouuert pour esgoutter les eaux pluuiales, & vient de trencher, Proscindere terram.
Viandes qui engendrent les trenchées, Edulia torminalia, B. ex Celso.
Bruuage qui cause les trenchées, Potio torminalis, Bud.
Celuy qui est souuent trauaillé des trenchées, Ileosus, B.
Estre vexé des trenchées, Verminare, Affici torminibus.
Faire des trenchées en vn camp ou ailleurs pour la guerre, Fossas bellicas ducere, effodere.