Thresor de la langue françoise/Tournoy
Tournoy, m. acut. Est vn combat courtois & de plaisir que deux ou plusieurs bandes d'hommes en armes soit à pied soit à cheual, mespartis en tenans & assaillans font en camp clos de lisses & barrieres, soubs certaines specifications des venuës, coups & armes qu'ils y doiuent accomplir, donner & porter ; qu'on nomme aussi Tournoyement, parce peut estre, que accomplissant par les assaillans leurs venuës, tant eux que les tenans, pour prendre leur aduantage virent & tournent çà & là dans lesdictes lisses, comme Virgile le descrit au 5. de l'Aeneide. Matthaeus Westmonstariensis le Latinise Hastiludiu (à l'analogie de Præludium) disant au second liure de son Flores Historiarum : Factum est hastiludium, quod Tabula rotunda vocatur, vbi periit strenuissimus miles Herualdus de Munteinni. Et Tritemius in chronicis monasterij Hirsaugiensis, le rend par Sociale hastiludium, vterque nouo vocabulo, Armatorum agminum tum equestrium tum pedestrium ludicra ac iocularis decertatio, Hoplomachia ludicra, Pugnae simulacrum sub armis. Virgil. 5. Æneid. Equitum, & peditum, armatorum lusorium certamen. Iean le Maire au 1. liur. de ses Illustrations va met tant pesle mesle ces mots, Tournoy, Esbanoy, Tournoyement, Esbanoyemet, Behour, Pas, Combat & Ioustes. Mais si ont ils diuerses raisons de leur imposition, estants les autres tous especes de ce genre, Combat de plaisir & courtois. Et dit que le fameux tournoy, fait deuant Troye aux nopces de Ilione fille au Roy Priam, dont le Behourt fut des enfans d'honneur, a esté l'introduction des ioustes & tournois, desquels on vse à present és Cours des grands Princes Occidentaux, ce qui porte faueur à l'opinion de Bude, estimant que de ces deux Latins Troiana agmina, a esté fait celuy corrompu Torneamina. Virgile au 5. de l'Aeneide, le dit bien ainsi, Hunc morem cursus, atque hæc certamina primus Ascanius, longam muris quum cingeret Albam, Rettulit, & priscos docuit celebrare Latinos. Et, Albani docuere suos, Hinc maxima porro, Accepit Roma, & patrium seruauit honorem. Troiaque nunc pueri troianum dicitur agmen. Et Suetone In Iulio C cap. 39. Troiam lusit turma duplex, maiorum minoruque puerorum, & in Octauio cap. 43. sed & Troiæ ludum edidit frequentissime, magnorum minorumque puerorum delectu, prisci decorique moris existimans, clarae stirpis indolem sic notescere. Mais rien de tout cela ne me persuade que le mot Tournoy soit venu de Troiana agmina, quoy que nos Tournois rapportent en beaucoup de choses à ce ieu ancien appelé Troia par les Romains, & frequenté par eux, que Virgile descrit à plein audit cinquiesme liure.