Thresor de la langue françoise/Tintouin
Tintouin, m. acut. Est vn nom imité du chifflement qui se fait aux
ventricules du cerueau & corne issant par les oreilles, & vient de tinter, aussi les Latins appellent tel Tintouin, Tinnitus aurium, Tintement d'oreilles. Et parce que tel tintouin empesche le repos de la personne, on l'vsurpe aussi par metaphore pour souci rongeant, trauail d'esprit & fatigation de l'entendement, Cura coquens, animúmque versans ac malè habens. Selon ce on dit, Il a bien des tintouins en la teste, Grauibus curis diuexatur, Cela luy a mis vn grief tintouin en la teste, Grauis ex eo cura eum incessit, Liu. lib. 23. Ou bien on le peut tirer de ce mot, Tintinnum, Qui se lit au vingtcinquiesme tiltre de la Loy Salique, qui est vn vieux mot François Latinisé, signifiant la clochete ou sonette qu'on pend au col des cheuaux & aumailles laschez en pasture pour aiséement les retrouuer, laquelle en paissant ils font sonner sans cesse, & à ce donne couleur ce que l'Italien dit Auere martello in testa, angi & diuexari graui cura, & dar martello a alcuni, Malè aliquem vrere, Terent. Et ce que nous disons, Il a vn reueillematin pour dire il a vn cuisant souci, qui luy oste le long sommeil & repos, comme si par dire, il a vn tintouin en la teste, on disoit, il a vne sonette d'vn angoisseux pensement qui se ramentoit sans cesse, Illi vsque grauis sollicitudo tintinnat, Et Catulle, a dit Aures tintinnat, Tintinnabulum, l'Italien dit Tintinno, Pour le son de telle petite sonette, Tintinnaculum.