Thresor de la langue françoise/Thresor

(2p. 627-628).
◄  Thierri
Thriacle  ►

Vn Thresor, Alij Thesor, Thesaurus interponitur r. C'est tant l'assemblée & amas d'or & argent monnoiez qu'on tient en espargne, & en serre sans employ ordinaire, que le mesme lieu auquel tel or & argent sont mis en esparge & en reserue. Ce mot toutesfois ne sonne, ny n'est fait que de cestuy or, estant prins par antonomasie presques en toutes les langues, dautant que (comme dit Pindare en sa premiere Ode des Olympies) l'or est l'excellece, le fleuron & la supereminence de la richesse. Il vient de ce mot Latin Thesaurus, par interposition de la lettre r. Thresor aussi se prend pour la chambre, le lieu, le cabinet où sont les chartres lettres & tiltres d'vne couronne, d'vn Royaume, d'vne communauté & chapitre. Selon ce on dit La chambre & les Conseillers du Thresor, pour le lieu où sont reduictes, rangées & gardées toutes les chartres de France de toutes choses, qui est au Palais à Paris, ce qu'en aucunes prouinces de ce Royaume on appelle les Archifs, ou Archiues, Sanctius aerarium. Bud. La raison de ce mot Thresor attribué à la chambre des chartres de France, semble se pouuoir tirer de ce que Seruius dit sur ce vers de Virgile au 2. liure des Georgiques : Insanúmque forum, aut populi tabularia vidit. Qui est que les chartres des Senat & Peuple de Rome, estoient au temple de Saturne, auquel le thresor & coffres des finaces d'icelle rep. auoiet esté establis auparauant. Si que le nom d'Airaire, qui signifie Thresor, demeura par prerogatiue d'ancienneté au Tabulaire, c. aux. Archifs de Rome, où les Tables, c. les chartres, tiltres & enseignemens publics estoyent en garde. Ce que paraduenture les François ont pris pour raison d'appeler Thresor, le lieu où sont les chartres de la Couronne, voyez Archifs, Ce qu'ont imité les communautez & chapitres des Eglises cathedrales de ce Royaume.

Le thresor des chartres, Grammatophylacium.

Le thresor de garde, où on ne prend point d'argent si ce n'est en grande necessité, Ærarium sanctius.

Vn coffre & autre lieu de thresor, Gazophylacium.

Faire thresor d'argent, In thesauris pecunias reponere.

Vuyder le thresor, Effundere aerarium.

Qui ont desrobbé des thresors, Thesaurarij fures.

Thesaurizer, ou amasser vn thresor, Thesaurizare.

Thresorier, m. acut. Quæstor. Liu. lib. 23. Ce mot s'espand à plusieurs & diuers maniemens des finances du Roy, car on dit Thresorier de l'Espargne, celuy suyuant la personne du Roy, ou abboutissent toutes les finances du Royaume, dont on peut faire Espargne & serre, dequoy il porte le tiltre, & duquel emanent tous souuerains mandemens pour le soubs employ d'icelles finances, Princeps, summúsque quaestor, Thresorier des menus plaisirs du Roy, ou simplement des menus, celuy qui suyuant aussi la personne du Roy, à certaine somme prescrite à manier au particulier & ordinaire mandement du Roy, pour ses priuées volontez & ordonnances.

L'office d'vn thresorier des guerres, ou de celuy qui auoit le maniement du thresor du peuple Romain, Officium quæstorium.

Le lieu au camp où se tenoit le thresorier des guerres, Quæstorium quæstorij.

Thresorier de l'espargne, Arcarius summus, Arcarius parsimoniarum, vel sanctioris ærarij, Budæus Princeps Quæstor.