Thresor de la langue françoise/Testiere
Testiere, f. pen. Est vn habillement de teste qui est de fer pour l'homme de guerre, & est assez plus general que Casque, ne Salade. Il vient de ce mot Teste, tout ainsi que iarretiere de iaret, & iambiere de iambe, & signifie generalement tout habillement de fer pour couurir & defendre la teste de l'homme de guerre, si que Heaulme, Salade, Casque, Morrion, Bourguignotte, Cappeline, & coiffe de lame de fer, ou de maille, & iazeran, n'en sont, à proprement le prendre, que les especes. Mais l'vsage d'armer pour le present les distingue, entre hommes d'armes, & cheuaux legers, & entre picquiers & harquebousiers.
Vne testiere ou salade, Cassis cassidis.
La testiere d'vn cheual, Reticulum scorteum quo caput equi induitur, Habena verticaria. B.