Thresor de la langue françoise/Tan
Tan, m. Est la pouldre d'escorce de chesne moulue & brayée, & reduicte à force de coups de pilons pesants soubsleuez & baissez auec vne roue, tournée par courant ou cheute d'eauë, ou à force de cheual, ou de bras de laquelle pouldre les taneurs couldrent & tanent les cuirs tant au couldroir qu'en la fosse, ce qui les affermist, endurcist & teinct de la couleur blasphastre dont ils sont auant qu'ils passent par la main du bauldroyeur, Puluis coriaria ex quercus cortice confecta ad solidanda coria voyez Coudrer.
Tané, m. acut. Passiua significatione, Ores & proprement est le cuyr qui est couldré, c'est à dire, outré de tan, & par iceluy endurcy & affermy, prest à bailler au bauldroyeur. Et ores ce qui est de couleur tanée, comme drap tané, linge tané, c'est de couleur de tan. Et ores par metaphore, outré de long ennuy & fascherie, par ce que à celuy ou celle qui le sont, le visage leur vient de couleur de Tan, voyez Tan. Excolor animi aegritudine.