Thresor de la langue françoise/Senglier
Senglier, m. acut. Est vn porc sauuage, lequel si tost qu'il est de deux ans, laisse les compagnies tant qu'il n'est en rut, & erre & demeure seul, comme dit Phebus, à cause de quoy il est appelé Porcus singularis, c'est à dire, seul sans compagnie, & singulier, dont par syncope est sait ce mot, Senglier, par où est cogneu qu'il ne le faut escrire par a. Pour cette raison mesmes les Grecs l'appellent μονιόζ, comme disent Ælian. & Cæl. Rhodig. lib. 4. cap. 7. ex Aristophane grammatico. Et μονήρεζ, Solitaire, sans compagnie. Auβi le blason d'vn grand vieux Sanglier entre Veneurs est, Sanglier qui a laissé les compagnies, il y a plus de quatre ans, Fouillous chap. 48. L'Italien dit Cinghiale, bien esloignément dudit Latin Singularis. Ne l'Espagnol, ne l'Allemand, l'appellans l'vn Puerco iauali, acut. & Montes, acut. Et l'autre Wilpsch Wein, n'expriment nullement l'energie de nostre mot Senglier.