Thresor de la langue françoise/Quarteron
Quarteron, m. acut. Ores est la quarte partie d’un total en quantité entretenant ou separée. Ainsi de ce qui est conté ou debité par cent, le quarteron est vingtcinq, comme un quarteron d’espingles, de pommes, d’eschalas, de fagots, etc. Et pareillement la quarte partie de ce qui consiste en seize, comme, un quarteron de fromage, qui est le quart d’une livre pesant seize onces. Et ores la seizieme partie de l’arpent de terre, bois, prez, pastis, et autres terroirs, et la quatrieme du quartier, voyez Arpent. Et ores qu’il ait la voix et la robbe d’un diminutif, comme certainement il l’est en la soubsdivision de l’arpent, si est-ce qu’il n’a signification diminutive en ces manieres de parler, quarteron de foin, quarteron de poires, d’eschalas, de javelles et semblables: car il n’est quarteron de quartier comme en l’arpent, ains est quartier de total, voyez Livre.