Thresor de la langue françoise/Palais
Palais, m. ac. Est proprement (comme dit l’Empereur Constantin en la loy vnique Depalatiis & domibus dominicis, au 12. l. du Code) l’hostel Royal, ou Imperial, Domus Regia Augustana. L’origine du mot vient d’vn des principaux monts de la ville de Rome dit Palatium, auquel estant posée la premiere situation de ladicte ville : Romulus premier Roy d’icelle, establit son auberge Royal, où depuis habiterent grande partie de ses successeurs Roys. Finalement fut en ce mont establi le siege de l’Empire, & l’hostel Imperial ; Si que depuis Auguste tous les Empereurs Romains y habiterent. Et à cause de ce est venu l’vsage, que toute maison de Roy estoit anciennement appelée palais. L’Italien & l’Espagnol retiennent cet vsage encores : mais ils communiquent auβi ce mot à toutes grandes maisons d’edifice somptueux, ores qu’elles soient à seigneurs particuliers, inferieurs à Monarques, & autres seigneurs souuerains : ce que le François ne fait pas. Et si bien nos Roys ne se logent dés iadis en leurs maisons qui retiennent encores le nom de palais, si y logeoient-ils anciennement. Et pour marque de cette demeure Royalle, voit-on au palais à Paris estre celebrez les nopces & festins Royaux, & des enfans de France, & les Monarques estrangers y estre par grandeur logez & traictez. Nicole Gilles en la Chronique de Philippes le Bel : Ledit Roy Philippe, & ses deux ieunes fils, Philippe & Charles, le Roy d’Angleterre, & plusieurs Seigneurs, Barons, cheualiers desdits Royaumes se croiserent, &c. Et peu apres : Et fut la feste tenuë au palais de Paris, que ledit Roy Philippe auoit de nouuel fait edifier de tres-bel & somptueux œuure, par Enguerrand de Marigny (Or estoit cestuy Comte de Longue-ville, & general surintendant de ses finances, & fut basti ce grand palais Royal de lez la saincte Chapelle que le Roy S. Louys auoit auparauant fait edifier, & ioignant le petit palais, qui est à present dit la sale S. Louys) & poursuiuant ce propos dit peu apres : Et estoient à ladicte feste lesdits trois Roys de France, d’Angleterre, & de Nauarre, Mais la demeure ordinaire de nos Roys n’y est plus vsitée. La Cour des Pairs, le lict Royal de iustice, le Parlement le Thresor & chartres de la couronne, les statuës de nos Roys par ordre successif de leurs regnes, auec la marque du tēps de la durée d’vn chacun d’iceux, & des années de leur trespas, escrite aux pied respectiuement de chasque effigie, les comtes & plusieurs iurisdictiōs, y sont. La plaidoirie y est exercée, les procez y sōt demenez & vuidez, qui est la raison que les hostels ausquels sont tenués les
autres Cours de Parlement en ce Royaume, ont auβi le no de palais : mesme ce mot Hostel, que plusieurs officiers de la maison du Roy retiennet encores, est allé en desusage pour la maison Royale, & vse-on de chasteau : ou de quelque nom propre. Ainsi dit-on le Louure pour l’hostel Royal sis à Paris ; ou bien le chasteau du Louure.
Le palais de Paris, Basilica Parisiensis, vel Palatina. B.
Les gens du palais, Homines è conuentu basilicano. B.
Iours de palais, ou d’autre iustice ou iurisdiction, Dies festi profestíque ac iustitiæ colendæ dicati. B.
Ne pouuoir laisser le palais, sa mere nourrice, iusques à la mort, Basilicam almam suam nutricem vltimum salutare ante diem fati nequire. B.
Les iours qu’on ne va point au palais, Les iours qu’il est feste au palais, Dies halcyonij basilicæ Palatinæ. B.
Les poursuiuans au palais, Candidati basilicani, & gratiæ curialis competitores. B.
Bastir vn palais, ou sale, où le senat se puisse assembler, Curiam facere.
Le fait du palais, & de la plaiderie, Actus forensis.
Doctrine du palais, entre Princes, est la doctrine de courtoisie, ciuilité, mœurs, contenance, deportemens en dits & en faits, & l’institution de ce qui appartient à cheualerie, en laquelle tous ieunes damoiseaux sont introduits és maisons & courts Royales. L’espagnol l’appelle Criança, (dont il estime le maistre souuerain estre le Romant d’Amadis) Nicole Gilles en la Chronique du Roy Loys troisiesme : Le Roy print l’enfant Richard entre ses bras, disant au peuple de Normandie qu’il estoit là venu pour garder le petit Duc Richard, & l’ensaisiner de sa terre, & promit aux bourgeois de Roüen qu’il le feroit bien introduire & apprendre en la doctrine du palais, & qu’il vengeroit la mort du Duc Guillaume son pere.
¶ Le palais de la bouche, Palatum.
Palais qui sent incontinent la bonté ou mauuaistié d’vne viande, Palatum sagax in gustu.
Palais au lieure, ou laicteron, Sonchus, Cicerbita.