Thresor de la langue françoise/Damoisel
Damoisel, ou Damoiseau, Estoit anciennement appelé le gentilhomme qui n’estoit encores cheualier. Au 3. liure d’Amad. chap. 3. Damoisel & Escuyer sont attribuez à Norandel demandant Cheualerie, lequel l’ayant receuë n’est plus appelé de tels tiltres, ains seulemet du titre de cheualier. En Maugist d’Aigremont : Et quand veint apres disner, les Cheualiers & Damoiseaux s’en allerent tous armer. Or est-il dit auparauant : Et furent Cheualiers & Escuyers moult honorablement habillez : & s’estants assis à table chacun selon son degré, furent tres-bien seruis.
Damoiselle, C’est proprement & selon l’vsage ancien du mot, vne gentilfemme, n’ayant titre de dame, & est le feminin de damoisel qui signifioit gentil-homme n’estant cheualier. Mais à present par. Damoiselle est entendue toute femme qui porte coquille, attour & chaperon pendant de velours, n’estant femme de cheualier, comte, marquis ou de plus eminent titre, Mitellata matrona, vel mitrophora : vt Capitiata, Bourgeoise, Femme à chaperon, Bud.