Thresor de la langue françoise/Chaland
Chaland, que le Picard dit Calland, Semble venir de καλώ, id est voco, car les marchans appellent ceux qui passent pour leur vendre : & appellent leurs chalans ceux ausquels ils ont coustume de vendre.
Chalandise.
Chalanger vne terre : aucuns Romans escriuent Chalenger, les autres Calenger vocable ancien Francois, Sibi asserere, S’en emparer, La faire & maintenir sienne.
Chalenger & defendre vne terre contre vn autre seigneur, Berinus.
Chalenger & requerre vne terre, Berinus.
Le Roy de Danemarc de long temps chalenge droit en ceste terre, Guy de VVaruich.
S’il aduient que tu me vainques, moy & mes parents demeurerons perpetuellement exilez de ce royaume, sans iamais y rien clamer ne chalenger.
Chalenger & conquerre vne damoizelle, Berinus.
Sire cheualier, ie vous chalange & requiers ceste proye, car elle est mienne, Berinus.
Ie vous chalenge la mort de mon oncle qu’auez tué. Guy de VVaruich.