Thresor de la langue françoise/Chaas

◄  Chaallons
Chable  ►

Chaas, m. monosyllab. (Car le François traine sans plus sa voix en prononçant ce mot par accent circonflex, tout ainsi qu’en cet autre Chaalons, qui luy est vne maniere d’A grand, comme aux Grecs leur omega : Et qui ne le voudroit escrire par double A A, pour marque de ladite traynée de voix, luy faudroit marquer sus l’accent circonflex, ainsi châs, comme en ceux-cy pour la mesme raison, Nélle, sêl, quand il signifie Sigillum, Lân prins pour vne ville aßise en Picardie, & Châlons, que le François escrit communéement, & au naïf qu’il les prononce auec trainée des premieres voyeles, Neelle, seel, Laon, & Chaalons) Signifie, vne trauée, ou espace. Contignatio, id interuallum, quod in contignatione tigni (soliuam dicimus) longitudo continet. Qu’on appelle aussi Trauée, & espace. Chaas aussi est le destrempis de farine en eau, dont les tisserans auec vne petite tablete, garnie de soye de porceau, en façon de descroutoires, baignent le fil à faire toile, estant enlissé pour abatre & coucher le poil du fil de chaure, ou d’estoupe, qui herissonne : ce qu’ils appellent parer. Lequel ouurage se pourroit rendre par, Licisternium : s’il eust esté vsité, comme, Lectisternium. Châs aussi en cas de vaches, est ce qu’on appelle Rut, quant aux Cerfs, coëundi cupido, comme la vache en Châs, Taurum appetit, à tauro iniri cupit, coëundi libidine agitur, vrgetur. Chaas aussi en fait de maçons est vne piece de cuiure quarrée, & qui diametrale à autre piece ronde, de cuiure pendant de la ligne qui passe par à trauers le milieu dudit Chaas, dont le tout est appelé plomb à Chaas, duquel les maçons plomment leurs ouurages de plastres ou de brique, en cas de cueilleures de fenestres, huisseries, & iambages de manteaux de cheminée. voyez Plomb à chaas. Et peut estre aussi dit chats à cadendo, parce que ladite piece ronde est cheant & pendant de la ligne qui passe par le milieu dudit chats.