Thresor de la langue françoise/Cep
Cep, m. Est vn instrument fait de deux pieces de bois entaillées sur le bord, en mesme endroict lesquelles ioinctes detiennent les pieds, ou les mains, ou les quatre ensemble du malfaicteur qui y est mis. C’estoit au premier vne maniere de prison & detention des criminels, tant que leur proces leur fust parfait iusques à iugement diffinitif inclusiuement. Et celuy qui en auoit la garde & le regard, estoit appelé Cepier, que nous appellons geolier, Numellæ, Depuis on en a vsé pour vne punition infamatoire si qu’il y a eu des Ceps, les entailleures desquels detenoient le col du condamné à subir l’ignominie du Ceps, presques ainsi que fait auiourd’huy le carca, selō ce on disoit estre condané ou mis aux Ceps, c’est à dire à l’ignominie des Ceps, Nexum inire Bud. ex Liuio, Ce qui est dit en pluriel, parce que le Cep est fait de deux pieces de bois ainsi mortaisées que dit est, lesquelles ioinctes sont retenues par vn lien de fer ou autre chose, tant qu’on les vueille deserrer & ouurir, l’Italien les nomme aussi en pluriel Ceppi, que Philippe Venuti interprete, Ceppi da piedi quali si pongono a prigionieri, & le rend par Pedicæ, Compedes, & Cippus, & entend les Ceps estre vne detention plus rigoureuse des criminels, tout ainsi que les manottes de fer, & les fers qu’en leur met aux mains & aux pieds, l’vn & l’autre viennent de Cippus, dont les anciens Gaulois appeloient.