Thresor de la langue françoise/Casque
Casque, ou Casquet, m. acut. Est vne espece d'armure de fer pour la teste de l'homme de pied, laquelle luy couure le test iusques aux aureilles, Galea. En l'ordonnance du Roy Francois premier, touchant les seruices à quoy sont tenus ceux qui tiennent fiefs du Roy. Et celuy qui tiendra fief de deux à trois cents liures de reuenu par an, fera vn homme de pied, auec le corps de hallecret, vn casquet & la picque. Le mot vient de cestuy Espagnol Casco, que aucuns escriuent Caxco, mais erronnéement, qui signifie aussi le test de la teste, comme de teste est dite testiere en Francois, pour l'habillement de fer de teste, mais ce mot Francois est plus general, voyez Testiere. On pourroit dire que ce mot Casquet vient de Cassis Latin, qui est de mesme signification, mais l'Espagnol luy est plus proche.