Thresor de la langue françoise/Caphard
Caphard, m. acut. Est celuy qui monstre en l'exterieur apparence d'homme deuot & religieux, & ne l'est point en l'interieur. Hypocrita, Simulator. On appelle aussi Caphard, celuy qui faisant profession de prescher, s'amuse plus à ce qui fait pour son profit particulier, ou de son Ordre qu'à l'exposition de son texte. Le mot vient de Caphar, Hebrieu, qui signifie couurir & tenir caché. Car celuy qui est Caphard, souz vn faux semblant couure & cele sa meschante vie. A cela visent ces paroles de Iesus Christ, Matth. chap. 7. Attendite vobis à falsis prophetis, qui veniunt ad vos cum indumentis ouium, intus autem sunt lupi rapaces. C'est à dire sous la couuerture ou couuerts de peau de brebis. Quintilien en son Proëme general. Nostris verò temporibus, sub hoc sapientiae nomine, maxima in plerísque vitia latuerunt, qui vultum & tristitiam, & dissentiente à caeteris habitum pessimis moribus praetendebant. C'est sous la couuerture & affeublement de Philosophie. Aucuns l'escriuent par f, Caffard, mais hors de son origine.