Thresor de la langue françoise/Cape
Cape, f. penacut. Est vne sorte d'habit court, sans manches, au droit du collet duquel pend par derriere vn capuchon, Chlamis, Cucullus, vne cape à l'Espagnole, Hispanicus cucullus, Ainsi qu'on disoit anciennement Santonicus cucullus, & bardocucullus, Des cabans anciennement vsitez en France. L'Espagnol dit Capa, & l'Italien Cappa, Ainsi que les Romains se seruoient anciennement dudit habit Francois, comme se voit en Iuuenal, Saty. 8. & en Martial, il est certain qu'ils en portoient le capuchon à la teste, ce, qui fauorise l'opinion de Bud. qui extrait ce mot de , Grec, qui signifie couuerture, affeublement : Cape aussi se prend pour la piece de camelot à ondes, large & quarrée, que les femmes portent sur la teste pendant bien auant sur les bras, pour se garentir du vent & de la pluye. Tout de mesmes l'Italien dit Cappa, pour le voile noir que les femmes de Venise portent en la teste, Cyclas.
Cape de Bearn, est vn habit de gros drap tissu en coytis ou cordeliere, sait de laine grossiere blanche à capuchon, sans manches & long tusques à my-iambe, que les viles personnes, gens de villages portent communément en Bearn dont laditte appellation est prinse, & en Gascoigne, Bardiacus cucullus.
Cape, Chlamys, Sagum militare. B. , id est, tego, operio, tegmen, opperimentum.
Vestu d'vne cape, Chlamydatus.
Le coqueluchon d'vne cape, & la cape que les femmes portent sur leur teste pour la pluye. Cucullus.
Cape à femme, Calyptra, Calyptrae, B. ex Festo.
Qui porte cape, Sagatus.
Capeer ou singler à la Cape en termes de marine, c'est quand en trop excessiue tourmente, ou pour ronder en mer, attendant l'auenture, & sans faire grand chemin, on bourse & fresle l'vne des voiles par le bas, & iustement la moitié d'icelle iusques aux amarres, en maniere que laditte voile demeure. boursée comme vne poche où le vent entonne, & les deux pointes d'icelle guindées l'vne en haut, l'autre en bas en voile latine, estant celle d'enhaut du costé du vent, demeurant le gouuernail lié à l'vn des turpots de l'vn ou l'autre bord. Et les mariniers sans faire aucune œuure pour le marrage allant le nauire au son de la mer, & à la seule conduicte du vent & des vagues, lequel ne laisse pourtant d'aller droite route, mais ne fait que bien peu de chemin, & ne cappée-l'on que de la grand voile, ou de l'Artemon, à qui veut bien Cappeer : Car le Beaupré & la Misaine seruent pour releuer & remonter le nez au nauire.
Capeline est le diminutif de capele, que signifie vn capel, que nous disons maintenant chapeau, & en cette sorte capeline est vn petit chapeau de ronde & basse testiere & aile estroite, ainsi a dit Ronsard, la Capeline de Mercure, Pro Petaso Mercurij, aussi la facon du chapeau qu'on peint à Mercure est la droite forme de la Capeline, de laquelle vsent encores auiourd'huy les bergers, messagers, & lacquais en plusieurs lieux. Les gens de guerre en vsoient anciennement la portans de fer, dont est venue cette façon de parler, Il est homme de capeline, pour, Il est homme d'entreprise, d'effect, & braue.