Thresor de la langue françoise/Calyphe
(2, p. 98).
Calyphe, m. penac. Est nom de dignité & d'office. De tel nom estoient au premier & d'ancienneté appelez les seigneurs & dominateurs du grand Caire, qui fut iadis Babylon. En la quelle ville, qui est la capitale d'Egypte, y a encore vne race & maison grandement noble, appelée les Calyphes, qui se dient estre de l'estoc & du sang des anciens seigneurs de ladite ville, & l'aisné de ladite race iouyt du priuilege de couronner le Soldan dudit Caire, ou Babylon, de la couronne imperiale sur tous les peuples Mahumetans, aprez qu'il a esté sacré à prestre, selon leur religion.