Thresor de la langue françoise/Burrier
Burrier, mascul. acut. Est tant celuy qui vend du beurre, comme marchant burrier, Mercator butyrarius. (S’il se pouvoit ainsi dire.) Comme celuy qui est un grand mangeur de burre. Ainsi on appelle par sobriquet les Flamans et Normans beurriers, c’est à dire grands mangeurs de burre, Esui butyri magnopere indulgentes. Pline marque en son 28. livre, chap. Que les nations barbares faisoient grand cas du burre, et que les riches seulement en mangeoient. En France l’usage en est commun, et plus du pauvre, que du riche. Et comme il dit au mesme lieu, ce mot Burre prend son nom de Beuf. Car le mot Grec dont nostre François vient est composé, et le premier mot de sa composition est βύζ, c’est à dire beuf. Aussi s’en fait-il plus grand quantité de laict de vache, que d’autre beste.