Thresor de la langue françoise/Besson
Besson, m. acut. Est mot de relation & rapport à vn autre, & signifie celuy qui est issu d’vne mesme ventrée ou portée auec vn autre, Ainsi dit-on, Ils sont bessons, c. nez d’vne mesme portée, Gemelli, Gemini fratres, & en singulier, Il est besson, c. né d’vne mesme ventrée auec vn autre, Iumeaux, & Iumeau, l’Espagnol dit Mellizo en singulier come nous, mais l’Italien vse plus du pluriel, Gemelli. Le mot peut venir de Bini, qui est fait de Bis, ainsi que le Grec δίδυμοζ, de δύζ, qui signifie cela mesme. Ce mot est frequet aux Laguedoc, Prouençal, & pays adiacents, qui appellent les fruits Bessons qui sont nez doubles, comme vne amade bessonne, quand il y en a deux, venues dans vne mesme coque, Gemellum amygdalum, Le François vse plus ordinairement de Iumeau.