Thresor de la langue françoise/Berner
Berner, act. acut. Est Vanner, Excutere, Il peut venir de Bernie, qui signifie vne grosse sorte de mante veluë faite de rude laine, dont les Irlandois vsent pour vesture, comme si on disoit vanner & ietter en l'air aucun, auec vne telle mante roidie & secousse par quatre hommes, en tenant chascun vne corniere, Sueto. in Othone, cap. 2. ferebatur & vagari noctibus solitus & inualidum quemque obuiorum vel potulentum corripere, ac distento fago impositum in sublimi iactura, id est, bernare, vt Bud. ait, voyez Bernie.
Tu seras berné, Ibis ab excusso missus in astra sago, B. Vanne.
Ie puisse estre berné ou vané, Mittar ab excusso pron 9 in astra sago, B.
Bernie, f. penac. disyll. est vne sorte de drap, velu, grossier & rude, dont les Irlandois s'emmantellent, Pilósve stragulae genus, sagum. Sueto. In Othone, cap. 2. De telles en portent les mariniers en teps de froidure, qui leur seruent de couuerture & de materas tout ensemble au dormir : le mot vient de Ibernia qui est l'Isle d'Irlande où l'vsage en est tout commun, si est-il en aucuns endroits d'Angleterre : mais c'est de celles qui sont rasés & de poil bas, ainsi que rapporte Oliuarius Scholiaste de Pomponius Mela liur. 3. chap. 6. qui les appelle Bernias, & les autres dessusdits Ibernias.