Thresor de la langue françoise/Bergier
Bergier, m. acut. Est celuy qui meine paistre & garde aux champs les moutons & brebis : car des porcs & truyes on dit porchier, des boucs & cheures doit on dire cheurier, ainsi que les Languedocs l'appellent Cabrier, les Italiens capraro & capraio, & les Espagnols Cabrero & cabrerizo, le tout du mot Latin Caprarius, opilio ouium custos, Magister ouium, Il vient de ce mot Berbix, que nous prononçons berbis, & par metathese brebis, qui vient de veruex, diction Latine, comme si on disoit Berbier, gardeur de berbis : mais nous auons fait de i vocal vn i consonant Berbier, & depuis Berger, escriuans par g ce que deurions escrire par i consonant. Mais si nous escriuons Bergier, n'y a mutation sinon de b en g, Berbier Bergier. De ceste mutation de i vocal en i consonant, est fait mention en Saulge, voyez Brebis.
Bergier & qui s'entend à la nourriture des bestes, & en fait grand fait, Pecuarius.
Maistre bergier, ou grand bergier, Magister pecoris.
Bergerie, Ouiaria, ouiariæ, Caula.