Thresor de la langue françoise/Berche
Berche, c’est vne espece de piece d’artillerie, dont les anciens vsoient pour la defense des chasteaux & forteresses, mais ayant succedé meilleures pieces pour cest effect, les seuls vaisseaux de mer les ont retenues, & les portent sur le chasteau deuant, ou sur le gaillart, les Espagnols les appellent Berços, & ne s’en seruent plus communément, si n’est pour saluer les nauires & rendre les saluts. Ces pieces sont plus petites que fauconneaux, & tirent des balles de plomb.
Bercherie : C’est la quantité & compagnie de berches estans dans vn nauire, comme qui diroit la harquebouserie, ou la hallebarderie, pour la quantité & amas de hallebardes & harquebuses y estans, de laquelle bercherie le lieu propre à la loger en vn nauire, est le chasteau deuant & le Gaillard.