Thresor de la langue françoise/Barbe
Barbe, f. penacut. Est proprement le poil qui croist aux ioües, leures & menton, soit à l'homme, soit à la femme, quand par grande virilité elle est ainsi velue, Barba, dont ledit mot est prins, car le poil qui croist en la teste & autres parties du corps, n'est comprins ne appelé de ce nom, ains poil, Pilum. Selon ce Clodio second Roy de France, Payen, fut surnommé non barbu, ores qu'il fust fort velu par tout son corps (comme recite Nicole Gilles en sa Chronique,) ains cheuelu sans plus. Et l'Empereur Barberousse, eut tel sur-nom à cause du teint de sa barbe, ores qu'il ne laissast d'estre pelu és autres endroits de sa personne. La barbe est marque de respect & dignité en l'homme. Et partant & les Philosophes, & les Rois l'ont portée & nourrie de tout temps. Et les adoptions ou affiliations estoient anciennemet celebrées & faites par attouchement de la barbe du pere adoptant. Nicole Gilles en la vie de Clouis, Alaric Roy des VVisigots feit feintement alliance au Roy Clouis, & par l'attouchement de sa barbe, selon la coutume ancienne, l'adopta son fils, & l'institua son heritier, par ce qu'il n'auoit nul enfant. Außi en tēps de dueil public, on la mettoit bas au temps iadis, comme recite Suetone, In Caligula. Dont les Portugais en temps de dueil par mort, font l'opposite, car ils la laissent croistre sans culture, l'an de dueil durant.
La barbe qui commence à venir, Barbe follete, Lanugo, Prima barba, Incipiens barba.
Qui n'a point encore de barbe, Imberbis, Inuestis.
Barbe de cheure, Aruncus.
La barbe d'vn coq, Palea.
Barbe fort longue, Promissa barba, vel immissa, Longa.
Commencer à auoir barbe & deuenir homme, Pubescere.
¶ Faire à Dieu barbe de foarre, Praua religione Deum solicitare.
Barber, est faire la barbe, Tondere, Radere, Abradere, Demere barbam. Vnde Barbier, Tonsor, & esbarber, oster la barbe. Esbarbé, Impubes.
Ils faisoient la barbe & les cheueux à leur pere, Tondebant barbam & capillum patris.
Mettre en barbe à aucun, voyez Teste, en la locution, Mettre en teste. Opponere. Lui. lib. 23.
¶ Vne herbe appelée barbe de bouc, Come, Tragopogon, Hirci barba.
¶ Barbes, Maladie & pustules qui viennent és langues des cheuaux, Ranae, ranarum.
Barbet, Barbatulus.
Barbette, Barbula.
Barbu, Barbatus.
Barbier, Tonsor.
Vn Barbier rait l'autre, Tonsores inter se rasitant.
L'ouuroir d'vn Barbier, Tonstrina.
Barbiere, Tonstrix.
Barberousse, Aenobarbus.