Thresor de la langue françoise/Barat
Barat, m. acut. Est tromperie, fraude, principalement en marchandise, Fraus, dolus malus, deceptio. Ainsi l'on dit, Contracter sans fraude, barat ne malengin, Benè pacisci ac sine fraudatione, Bona fide conuenire. C'est vn mot grandement vsité és pays de Languedoc, Prouence, & adiacents. Lesquels en font vn verbe actif en leur langue, Barator, c'est Barater, qui signifie tromper autruy en fait mesmement de marchandise, vendant, acheptant ou trocquant, & en vsent aussi pour trocquer ou eschanger vne chose à autre. Et outre encores en font vn nom adiectif, Baratier, & Baratiere, pour celuy ou celle qui est coustumier de frauder autruy, Fraudulentus, Fraudator, Fraudulenta, Fraudatrix.
Barater, verb. act. acut. Deceuoir, tromper, voyez Barat.
Barateur, m. acut. Decepteur, trompeur, frauduleur, voyez Barat.