Thresor de la langue françoise/Autour
Autour, Qu'aucuns escriuent Austour, acut. mascul. gener. Et neantmoins est nom de femelle. Et l'vne des trois especes d'oyseaux de proye, desquelles on vse en l'art de fauconnerie, dont les autres deux sont l'Aigle & le Faucon, & y a cinq especes d'Autour. La premiere & la plus noble est celle qui par antonomasie est appelée Autour, qui est femelle. La seconde est nommée demy Autour, qui est maigre & peu prenant. La tierce Tiercelet, qui est le masle de l'Autour. La quatriesme l'Espreuier. La cinquiesme s'appelle Sabech, qui est moindre que l'espreuier. voyez Tardif. aux 1. & 8. chap. de sa fauconnerie. Au septiesme chap. du liure de la loy Salyque, il est appelé Acceptor, Qui semble estre l’origine de ce nom. Astor, astoris, Astorgius, astorgij. Volaterranus lib. 25. de Accipitribus, Astorgios Pausanias ponit, quos Italici Astores dicunt, Astures alij vocant.