Thresor de la langue françoise/Anchoye
(2, p. 33).
Anchoye, f. pen. Est vne espece de poisson de la longueur de cinq pouces, & vn de largeur, lequel se pesche en la mer Mediterranée, se confit en sel, où il deuient vermeil au dedans, & n’a besoin pour estre mangé d’autre cuisson que sadite confiture, aussi le mange-on ainsi confit cru, à l’huile & au vinaigre, estant fendu en deux. On en fait aussi du garum ; le faisant fondre dans vne escuelle sur vn rechaut auec huile ou beurre. C’est vn poisson agreable, & delicat au goust trop plus que la sarde ou sardine. Rondelet le rend par ce mot Encrasicholos, par ce que l’Anchoye a le fiel en la teste, aussi les fendant pour manger, en iette-on hors la teste. On le prononce en pluriel Anchois, par syncope de la lettre E.