Thresor de la langue françoise/Aligner
(2, p. 26).
Aligner, C’est mettre & dresser en droite ligne, dont descend Alignement, pour l’addresse & rectitude, l’orée d’vn chemin ou rue publique que le Seigneur baille à son suiet, voulant bastir ou faire haye ioignant le chemin ou rue publique, à ce qu’il ne formarche & prenne sur le public.
¶ Aligner aussi entre louuetiers & veneurs se prend pour couurir vne beste femelle, Comme le Loup aligne la Louue, Lupus init ac subagitat Lupam, aussi dit, pource que rectà illam petit, & non pas de ce mot lignée, comme aucuns estiment, voyez Ligner.