Thresor de la langue françoise/Achemes
Achemes ou Achesmes, m. penac. & pluriel. Sont atours & ornemens de femme. Jean le Maire en ses Illustrations, Quand la Deesse eut mis bas ses habits & achemes, & qu’elle eut deffeublé coiffe, guimple, attour & autre accoutrement de teste, termaillets, chaines, anneaux bulletes & tissus jusqu’aux galloches dorées, demeurant tocquée sans plus d’un riche couvrechef.
Achemé, m. acut. Ornatus, Jean le Maire, Juno avoit le chef achemé d’un riche atour & bullettes sans nombre pendans à chaines d’or & infinis affiquets, &c.
Achemer, act. acut. Est parer, attourner, Achemer une espousée, Ornare, nuptialibus ornamentis instruere.
Achemeresse, f. penac. Celle qui fait mestier d’attourner les espousées, qu’on appelle, Attourneresse, Cosmeta, & pourautant que les Achemes sont parements de Princesses, on peut attribuer ce nom d’Achemeresse à celles qu’on appelle Dames ou Damoiselles d’attour.