Testament de Lucrèce de La Lune (8 avril 1560)


1560, 8 avril. — S. l.

Testament de Lucrèce de La Lune, femme de Charles de Myneray, seigneur d’Armainvilliers et de Gretz : après sa mort, son corps sera autopsié par des médecins et chirurgiens experts et inhumé en l’église de l’Ave-Maria ; elle lègue 2000 livres tournois à Pandolfe de La Lune, son oncle, demeurant à Avignon, et nomme pour exécuteurs testamentaires Laurent de Lenzi, évêque de Fermo et à présent ambassadeur du Pape, Pandolfe de La Lune, son oncle, Jean de Bonacoursy, docteur en droit, avocat en Parlement.


Archives nationales, MC/ET/LXVIII/27, fol. 180 (Minutes de Hervé I BERGEON).


Item a donné et laissé, donne et laisse au sieur Pandolfe de La Lune, son oncle, demeurant à Avignon, la somme de deux mil livres tournois pour une fois paier, dont elle peult disposer par le contract de mariaige faict entre elle et ledit de Myneray, son mary. Et pour lequel present testament accomplir et mectre à execution deue de poinct en poinct selon sa forme et teneur, icelle testatrice a esleu et eslist ses executeurs messires Laurens de Lenzi, evesque de Ferme, à present embassadeur de nostre saint pere le pappe, ledit sieur Pandolfe de La Lune, son oncle, et maistre Jehan de Bonacoursy, docteur es droictz, advocat en la court de Parlement, ausquels et chacun d’eulx seul et pour le tout ladite testatrice a donné et octroyé, donne et octroye plain povoir, puissance, auctorité et mandement special de cestuy present son testament entherinner, accomplir et mestre à execution deue de poinct en poinct selon sa forme et teneur, icelluy augmenter et non dimin[u]er, es mains desquelz sesdits executeurs icelle testatrice s’est dessaisie de tous ses biens, voullant qu’ilz en soient saisiz jusques à plain et entier accomplissement de cestuy present son testament, soubzmectant l’audition de compte d’icelluy à la prevosté de Paris et à toutes autres courtz et justices roiales et revoca et revocque tous autres testaments et codicilles qu’elle pourrait avoir faicts auparavant huy, voullant cestuy valloir et sortir son plain et entier effect, force et vertu selon sa forme et teneur. Faict et passé l’an mil V c cinquante neuf le lundi huictiesme jour d’avril avant Pasques.

[Signatures avec paraphe :] Ch. Maheut. Bergeon.

[Dans la marge de gauche :] Receu IIII deniers