Tableau chronologique des œuvres de Ronsard/03/08
Librairie Hachette et Cie, 1911 (2e éd.) (p. 95-96).
SONET AU ROY
Pour la Nymphe de la fonteine
du logis de Monseigneur d’Orleans à Fonteine-bleau
La renommée allant de place en place
De ciel en ciel annonçant ton pouvoir,
M’a fait venir desur terre pour voir
Aux raidz du jour les beaux traitz de ta face.
C’est doncq’ raison qu’en retournant je face
Entendre aux Dieux du terrestre manoir,
Que ta grandeur ne se peut concevoir
Par le renom que ta presence efface.
Or te voyant je puis dire là bas,
Qu’en tout ce monde un pareil tu n’as pas,
Estant cent fois plus grand que ton Empire.
Avise doncq’ combien doit s’esmouvoir
De tes vertus le ciel qui te peut voir,
Quand mesme l’eau sous la terre t’admire.
(Ibid., 1565).