« Page:Anonyme - Brun de La Montaigne.djvu/126 » : différence entre les versions
→Page non corrigée : Page créée avec « <section begin="laisse175"/><poem> Ou père et en la mère il n’ot qu’esl[e]essier ;<ref follow="CLXXV">Montaigne se parti de son père et de sa mère et s’en ala ap... » |
(Aucune différence)
|
Version du 5 juillet 2017 à 19:34
Ou père et en la mère il n’ot qu’esl[e]essier ;
Mais ses pères Butor le vouloit convoier.
Congiet prist a sa mère, il ne vot plus plaidier,
Et puis si a hurté des espérons le courcier :
A troys saus li fist faire .j. trait d’arbalestier.
Or s’en va chevauchant tout parmi .j. sentier ;
Si n’avoit avec li garçon ni escuier.
Qui le veïst aler et son cheval brochier,
Chascuns deïst : « Veela, je croy, .j. berruier !
« Il chevauche plus fort que ne font soudoier
« Si tost c’om crie a l’arme ! et on doit chaploier. »
Ainsi s’en aloit Bruns a guisse d’aversier.
Or commança moult fort le bois a aprochier.
Quant il vint a l’entrée, ens s’ala embuchier.
Hu[i]mais orrés chançon qui moult fait a prissier,
Et qui de bien en miex commance a enforcier,
Ainsi com en après vous m’or[r]és prononcier,
Cornent il trova puis maint mortel enconbrier,
Comment [li] roys Artus fist le Brun chevalier.
Quant Bruns de la Montaingne entra en Bersillant,
Parmi le bois ala toute jour chevauchant ;
S’entra en .j. chemin moult merveilleus et grant :
Quant il i fu entrés n’ala gaires avant
Que li chemins ferrés li ala tost faillant,
Et quant le vit faillir, il s’ala esmaiant,
Mais il vit une santé assés près d’un pendant
Qui l’enmena ou bois parfont et si avant
Qu’il li sembloit adès qu’il aloit avalant.
- ↑ — 3088. m. merveilleusscmeat g. — 3089. Q. il li fu.
Montaigne se parti de son père et de sa mère et s’en ala après sa nourice. — 3083. Ainsi si en. — 3085. Corr. de B. ?