Ouvrir le menu principal

Modifications

m
Ernest-Mtl: split
Contenu (par transclusion) :Contenu (par transclusion) :
sa besterie, qui a existimé que, sans aultres demonstrations et argumens valables, le monde reigleroit ses devises par ses impositions badaudes.
 
De faict (comme dict le proverbe : « AÀ cul de foyrard tousjours abonde merde » ), il a trouvé quelque reste de niays du temps des haultz bonnetz, lesquelz ont eu foy à ses escripts et selon iceulx ont taillé leurs apophthegmes et dictez, en ont enchesvestré leurs muletz, vestu leurs pages, escartelé leurs chausses, brodé leurs guandz, frangé leurs lictz, painct leurs enseignes, composé chansons, et (que pis est) faict impostures et lasches tours clandestinement entre les pudicques matrones.
 
En pareilles tenebres sont comprins ces glorieux de court et transporteurs de noms, lesquelz, voulens en leurs divises signifier espoir, font protraire une sphere, des pennes d’oiseaulx pour poines, de l’ancholie pour melancholie, la lune bicorne pour vivre en croissant, un banc rompu pour bancque roupte, non et un alcret pour non durhabit, un lict sans ciel pour un licentié, que sont homonymies tant ineptes, tant fades, tant rusticques et barbares, que l’on doibvroit atacher une queue de renard au collet et faire un masque d’une bouze de vache à un chascun d’iceulx qui en vouldroit dorenavant user en France, après la restitution des bonnes lettres.
1 087 183

modifications