Page:Viard - Grandes chroniques de France - Tome 6.djvu/50

et fit ses batales à la guise de son païs. Chevetaines mit en chascune, des plus hauz homes que il avoit ; à senestre, laissa la terre de Galathe^[1] et de Plaphagone^[2] et deus terres de quoi chascune a non Ponte^[3]. A destre, remet Frige^[4], Lide^[5] et Aise la petite^[6]. Il s’en vindrent delez Nichomede^[7] et passerent la bonne cité de Nice^[8], puis entrerent en la terre qui a non Licaone^[9], dont la miaudre citez est Ycoine. Il aloient uns adreçoirs^[10] et avoient laisié le grant chemin. Li soudanz dou Coine, qui avoit asemblé trop grant planté de Turs, atendoit comment il poist avoir tens et lieu comment il empehechat ces granz compagnies de chrestiens qui par sa terre passoient, car tuit li roi et li grant home de la paenie estoient moult emeu et tuit effreé de ces granz genz qui venoient. Bien lor avoit-on mandé de maintes parz que se il passoient delivrement parmi ces terres, il avoient pooir de destruire toz les homes et conquerre toz les païs, si que en poi de tens tote la

1. Galathe, Galatie, province d’Asie Mineure dont la capitale était Ancyre, auj. Angora.
2. Plaphagone, Paphlagonie, comprise entre la mer Noire au nord et la Galatie au sud.
3. Ces deux régions portant le nom de Pont sont : le Pont Polemoniaque et le Pont-Galatique, dit aussi Hélénopont.
4. Frige, Phrygie.
5. Lide, Lydie.
6. Aise la petite ; latin : « Asia minor », auj. Anatolie.
7. Nichomede, Nicomédie, auj. Ismid, au fond du golfe d’Ismid, sur la mer de Marmara.
8. Nice, Nicée, auj. Isnik, sur le lac d’Isnik, en Bithynie. Dans le texte latin, on fait allusion au concile de Nicée.
9. Licaone, Lycaonie, prov. d’Asie Mineure dont la capitale était Iconium (Konieh).
10. Il aloient uns adrecoirs, ils suivaient un chemin de traverse.