Page:Romieu - Oeuvres poetiques.djvu/31

Sont les inventions de leur divinité.

Mais quoy ! est- il pas vray [afin que je ne mente)
Qu'elles ont commancé en la bonne Carmente ;
Qu’une Leontia vainquit publiquement
Theophraste le Grand par maint bel argument.^
Eustochion en fit autant à sainct Hierome,
Pour monstreraux Romains qu’elle estoitnée à Rome.
Rome, mère des arts et des nobles esprits,
Où elle avoit hebrieu, grec et latin appris.

Une sepmaine, un mois, voire un’ année encor,
Ne me suffiroit pas pour vanter le thresor
De leurs subtils esprits ; d’autre part l’univers
Ne les ignore pas. Saphe trouva les vers
Qui depuis, de son nom, furent nommez saphiques,
Estimez hautement des hommes prophétiques.
Elle vainquit aussi par maint’ docte raison
Tous les vatés sçavans de sa belle saison ;
Autant en fit Corinne à leur grande louange,
Qui court bien empennée or’ au More, Or’ au Gange ;
Tantost dessus Atlas guindé ses pas légers.
Et tantost vers le Nil annonce aux estrangers,
Puis deçà, puis delà, va racontant au monde
Les vertus de ce sexe où tout honneur abonde.
Si Vitale vouloit les siennes estaler.
Si brave ne serait qui s’osasî esgaler