Rondeaux (Christine de Pisan)/XXXV

Christine de Pisan

De mieulx en mieulx vous vueil servir

Rondeaux, Texte établi par Maurice Roy, Firmin Didot, 1886 (p. 166-167).

XXXV

De mieulx en mieulx vous vueil servir,
Ma dame, dont tout mon bien vient,
Pour vostre grace desservir.

Et pour moy du tout asservir
A vous, ainsi qu’il apertient.
De mieulx en mieulx vous vueil servir.

Mais ne me vueilliez desservir
De joye, se mon bien avient ;
Car pour vo vouloir assouvir
De mieulx en mieulx vous vucil servir.