Rondeaux (Christine de Pisan)/X

Christine de Pisan

Puis qu’Amours le te consent

Rondeaux, Texte établi par Maurice Roy, Firmin Didot, 1886 (p. 153).

X

Puis qu’Amours le te consent,
Par qui as empris l’emprise,
Amis, dont tu m’as surprise,
Mon cuer aussi s’i assent.

Mon vouloir du tout descent^[1]
A toy amer sanz faintise,
Puis qu’Amours le te consent.

Si n’a il pas un en cent
Dont Amours m’eust ainsi prise ;
Mais quant c’est par ta maistrise^[2]
Ne te doy estre nuisant,^[3]
Puis qu’Amours le te consent.

1. X. — 5 B M. cuer encline et descent
2. — 10 M. q. c’est pour sa m.
3. — 11 A¹ e. musent.