Rondeaux (Christine de Pisan)/IV

Christine de Pisan

Puis qu’ainsi est qu’il me fault vivre en dueil

Rondeaux, Texte établi par Maurice Roy, Firmin Didot, 1886 (p. 149).

IV

Puis qu’ainsi est qu’il me fault vivre en dueil
Et que jamais n’aray bien en ce monde,
Viegne la mort qui du mal me confonde,^[1]
Qui si me tient et pour qui morir vueil.

Et delaissier bien doy quanque amer sueil,^[2]
Si qu’en griefz plours mon doloreux cuer fonde,
Puis qu’ainsi est qu’il me fault vivre en dueil.

De tout maintien et contenance et dueil^[3]
Doy bien sembler femme, en qui dueil habonde ;
Car tant est grant le mal qui me suronde
Que de la mort désir passer le sueil,
Puis qu’ainsi est qu’il me fault vivre en dueil.

1. IV. — 3 B Je suis d’accott que le m. me c.
2. — 5 B Ey d. d. b.
3. — 8 B de c. d.