Recueil des lettres missives de Henri IV/1576/29 juin ― À monsieur de Bayaumont

◄

précédente

Henri IV Lettres missives 1576

suivante

►

1576. — 29 juin.

Orig. — Arch. municip. de Bordeaux. Copie transmise par M. le secrétaire général de la ville.

À MONS^R DE BAYAUMONT^[1],

CHEVALIER DE L’ORDRE DU ROY, MON SEIGNEUR, GENTILHOMME ORDINAIRE DE SA CHAMBRE ET GENERAL D’AGENOIS.

Mons^r de Bayaumont, Les maire et juratz de Bourdeaux m’ont faict entendre qu’il a esté mené pendant les troubles en la ville d’Agen quelques pieces d’artillerie, balles, pouldres et materiaulx qui leur appartiennent. Maintenant qu’il a pleu à Dieu nous donner la paix, ils desireroient que le tout leur fust rendu et restitué. A ceste cause, desirant la conservation de la dicte ville de Bourdeaux, comme plus importante pour le pays de Guyenne, je vous prie, Mons^r de Bayaumont, leur ordonner de restituer les dictes pieces, balles, pouldres et materiaulx, en baillant pour eux bonne et suffisante descharge. Et sur ce prieray Dieu, Mons^r de Bayaumont, vous avoir en sa trez saincte et digne garde. De la Rochelle, ce xxix^e jour de juin 1576.

Vostre bien bon amy,

HENRY.

1. Hector Régnaud de Durfort, comte de Launac en Agenois, baron de Bajaumont et de la Fosse près Agen, fils d’Amanjeu de Durfort et de Jeanne de la Dague.