Recueil des lettres missives de Henri IV/1576/28 ou 29 février ― À monsieur de Verac

◄

précédente

Henri IV Lettres missives 1576

suivante

►

[1576. — 26 ou 27] février.

Imprimé. - Recueil de lettres de Henri IV, publié par le comte de Valori ; Paris, F. Didot, 1821, in-8^o, p. 382.

[À MONS^R DE VERAC.]

Mons^r de Verac, Je vous ay, depuis quatre ou cinq jours, escript et faict entendre le retardement de mon deslogement de la Cour, et le desir que j’ay que me fassiez ce plaisir que de me venir trouver. Continuant ceste mesme volonté j’escris presentement à mon cousin, mons^r de Rohan^[1], d’assembler toute la noblesse qu’il trouvera affectionnée au service de Monsieur et mien, et me venir trouver le plus diligemment qu’il pourra vers Saumur, d’aultant que je suis trez asseuré de vostre affection. Je vous prieray par ceste recharge de vous ranger avec le plus de vos amis qu’il vous sera possible pres mon dict cousin pour ceste occasion. Vous attendant tous ensemble en bonne devotion, je prieray le Createur vous conserver, Mons^r de Verac, ses sainctes graces. De Saumur, ce febvrier.

Vostre bien bon amy,

HENRY.

1. Louis de Rohan, comte de Montbanoz, fils de Louis de Rohan, prince de Guemené, etc. et d’Éléonore de Rohan-Gié.