Poésies de Marie de France (Roquefort)/Fable XXV

Marie de France

Dou Vilain qui prieit tant soulement pur sa mainie, alias, de la proière as Vileinz, f. XXV

Traduction par B. de Roquefort.
Poésies de Marie de France, Texte établi par B. de Roquefort, Chasseriau, 1820, tome II (p. 143-144).

FABLE XXV.

Dou Vilain qui prieit tant soulement pur sa mainie.

alias

De la Proière as Vileinz^[1].

Uns Vileins ala au Munstier^[2]
Suventes feiz pur Diex preier.
A Dieu requist qu’il li aidast
E que sa fame cunseillast,
E ses anfanz è nului plus ;
Ceste proière aveit en us^[3]
[a]Suvent le dist à si hault cri^[4]

Que uns autres Vileins l’oï ;
Si li respunt isnelement,^[5]
Te maudie Dex omnipotent^[6]10
Ta fame è tes enfanz petiz,
E nus autres ne seit maudiz.

MORALITÉ

Par cest example voil retraire^[7]
[b]Que tel proière doit-hum faire
Qui à la gent ne seit nuisable,
E qui à Deus seit acceptable.

1. Le Grand d’Aussy, Fabliaux, in-8^o tom. IV, p. 247.
2. Église, paroisse, monastère, monasterium.
3. Cette prière avoit en usage, en coutume, usus.
4. Il la répétoit si souvent et à si haute voix.
5. Sur-le-champ, vivement, igniter.
6. Dex omnipotent, Dieu tout-puissant ; Deus omnipotens.
7. Retracer, raconter, retrahere.

Variantes.

1. Sovent disoit à si halt cri
   C’un autre home bien l’entendi ;
   Donc li respont hastivement.

2. Chascun doit tele proière faire.