Ma dame, se j’ai pertris,
J’arai deus oes de pertris,
Qui sercnt fil de nonnain,
Et s’aront piet de brebis,
Pour ce que.ij. moines bis
Furent hersoir pris à l’ain,
Maugré le cors Saint Gilain
Qui pria à..ij. rubis :
Venés moi tendre la main,
As Innocens à Paris,
365Vous arés de mon bis pain.
Amis, amis de cuer d’amie[1],
Aurez comme loiaus amis.
Amis, amez de cuer
Je vous lirai d’astronomie,
Ce dist uns ours à.ij. tamis,
Qui avoient l’ost estourmie,
Et s’aprendrai tant d’escremie
Que la despoille d’un fourmis[2]
Deseonfira nos anemis,
Et se je voi oe et demie,
Je li dirai : Cuers endormis,
L’ombre d’une truie endormie
Amés con fins loiaus amis.
Amours, pour quoi m’avez prise
Et que vous ai ge mesfait ?
Amours, pour quoi m’avez prise,
Ce dist une oe de Frise,
Je n’ai vaillant e’un souhait,
Page:Watriquet de Couvin - Dits, édition Scheler, 1868.djvu/338
Cette page n’a pas encore été corrigée
