Si trouvames haut ens ou plain,
Qui n’iert pas perreus ne rubestes,
Deus grandes mortoires de bestes,
Esparses parmi la champaigne :
L’une de grans destriers d’Espaigne,
De grans bues, vaches et pourchiaus ;
Moult ot crasse charoigne en chiaus,
Dont li chemins faisoit depart.
Et la mortoire d’autre part,
Ou champ qui biaus iert et forbis,
Celle n’estoit que de brebis,
Maigres moutons et pourcelez,
S’en erent moult li moncelez
Pour et petit envers les grans.
Si fui moult du veoir engrans
Les cras bues et les vaches mortes,
Dont il y ot de pluseurs sortes,
Grans chevaus, pors, truies et vers ;
Touz en estoit li champs couvers
Des bestes qui mortes gisoient.
Et li oisel qui les mengeoient,
Corbiaus et chien d’aval les champs,
Erent si maigre et si meschans,
Si très pale et descoulouré
Con s’adès eüssent plouré,
N’i faisoient fors que languir
De l’une sus l’autre randir,
Ne n’i pooient encraissier.
Et vous di que jà mais laissier
Celles pour autres ne vousissent ;
Jà cil chien ne les guerpesissent
Ne oisel, pour autres mengier,
Et si erent si en dangier
- ↑ Si fu.
