Cette page a été validée par deux contributeurs.
Porquei desconfortes mon regne
Et moi tu fais mult male peine ?
Vos-tu plus la mort que richesse,
Plus que corone et que hautesse ? »
S’ele respont tot maintenant
Et si li dist son avenant :
« La corone veut pardurable,
S’este d’éci n’est pas estable ;
N’en ferai plus, bien veus que muire
Por Deu ; or pues mon cors destruire »
aciens ne vost plus atendre,
Par les tresses haut la fist pendre ;
Le cors qu’il ot jadis tant chier
Fist tot desronpre et detrenchier.
Quan qu’ele sofreit tel martire,
Vers le saint se torne et sospire
Et dist : « Sire priès por moi
Jesum, ton Deu, en cui je croi.
Je veus aveir le saint babtesme
Del saint esperit et del cresme. »
