Cette page a été validée par deux contributeurs.
Tos les menbres et les boeles
Comanda boilir en paeles.
Por boilir le cuida destraindre ;
Mais Deu li fist le feu estaindre,
Par un angle qu’il envoia.
Onc sains Jorge ne s’esmaia,
De la paele fors sailli,
L’aige boilant, le feu failli.
Uns angeles dist : « N’aies paor
Tu as vencu l’enperéor :
Deus qui la victoire te done
T’a fait au ciel faire corone. »
lexandrie la raine
Vit la grant puissance devine ;
Maintenant crut en Deu sans dote,
En Jesus-Crist mist s’amor tote ;
Tantost geta, sans nule areste
La corone jus de sa teste
Et devesti sa réal robe,
Dont soloit estre cointe et noble.
