Cette page n’a pas encore été corrigée
80 FARCE
Vous estes dames et maistresses ;
Quant vous voulez faire largesses,
Leurs biens ne vous sont deffandus.
JENNETTE.
Pour Dieu, qu’ilz soyent reffondus
Pour les affiner ung petit.
LE FONDEUR.
Je les feray à vostre appétit ;
Mais ils me semblent bien ainsi.
D’où estes-vous ?
THIBAULT.
Nous sommes de la ville de devant nous ;
Tous deulx sommes nez et nourris
De la ville.
LE FONDEUR.
Et comment ne par quel raison
Les voulez-vous cy affiner ?,
Par bien, on ne sçauroit trouver
De plus fins d’icy (à) Vaulgirart.
Le capitaine Jean Peullart
N’en sçauroit finer de plus fins.
JENNETTE.
Saincte Marie, si feroit.
LE FONDEUR.
Quelle simplesse !
Je ne sçay à quoy vous tirez ;
Mais vous (vous) en repentirez,
Avant qu’il soit jamès ung moys.
JENNETTE.
Ne vous en chaille.
DES FEMMES. 81
LE FONDEUR.