Cette page a été validée par deux contributeurs.
5
MEMOIRES
DE LA VIE DE
HENRIETTE-SYLVIE
DE MOLIERE.
E ne m’eſt pas une legere
conſolation, Madame,
au milieu de tant
de médiſances qui déchirent
ma reputation par tout,
que voſtre Alteſſe deſire que je me
juſtifie. J’en ay les ſentimens que
je doy, & pour n’en eſtre pas ingrate,
j’obeïray volontiers au commandement
qu’elle me fait de la
divertir, par un recit fidelle de
mes erreurs innocentes.