ne me permit pas de luy faire viſite ! qu’il ſouffrit luy-meſme de ne me voir pas ! Je croy que le ſeul dépit qu’il en eut, le guerit par l’envie qu’il luy donna de venir au plûtoſt me reprocher cette dureté : il me ſouvient des meſmes paroles qu’il me dit un jour dans ce dépit, qui luy ſembloit le plus juſte du monde. Madame d’Engleſac eſtoit occupée à recevoir le Duc de Villars, & l’Eveſque d’Agde, qui l’eſtoient venu viſiter l’un & l’autre en meſme temps. Le Chevalier des Eſſars, Gentilhomme de merite, & le mieux fait de ſon Païs, les avoit accompagnez ; & comme j’ay déja dit, que le Comte d’Engleſac avoit deux ſœurs ; ce Chevalier eſtoit amoureux de l’aiſnée. Je penſe méme que le Duc de Villars n’eſtoit là venu que pour trouver un moyen d’en faire le mariage, & je ne ſçay ce qui empeſcha qu’il ne ſe
Page:Villedieu - Mémoires de la vie de Henriette Sylvie de Molière, 1672.pdf/46
Le texte de cette page a été corrigé et est conforme au fac-similé.
42
La vie de Henriette
