Celle pour qui je veux mourir
Me fait un mal si favorable
Que, si l’on me venoit guérir,
Un me rendroit bien misérable.
Ln roy pour des tourmens si doux
Quitteroit toutes ses délices,
Et, me voyant, seroit jaloux
De mes fers et de mes supplices.
Aussi, pour mieux favoriser
Le divin secret de ma flame.
Mon front s’est voulu déguiser,
De peur de descouvrir mon ame.
C’est ainsi que le roy des Dieux,
Picqué de quelque beau visage,
Prenoit, en dévalant des cieux,
Tousjours un masque à son usage ;
Et, desguisant sa majesté,
Pour complaire à sa frénésie,
Il avoit pour chaque beauté
Une forme à sa fantaisie.
Pour moy, si mes vœux avoient lieu,
On verroit ma figure humaine
Bien tost se changer en un dieu,
Non pas pour moins souffrir de peine,
Mais plustost pour sçavoir ainsi
Conserver le mal qui me presse.
Et pour estre plus digne aussi
De l’amitié d’une Déesse.
Pleust au ciel qu’un jour seulement
